話說在曼谷 Hua Lamphong 地鐵和火車站附近，亦即是進入唐人街前一條巷 Soi Nana 內，早前就介紹過一間人氣咖啡店 Nana Coffee Roasters。如今在同一個地方旁邊，又有一間集花藝和酒吧餐廳於一身的小店，在泰國 social media 上亦頗受歡迎，一齊去睇睇。

這間店其實我已經來過，但始終念念不忘於是日前再來，依然被它的環境氣氛吸引住！由此可見這間店的確有種魔力！

如今唐人街地鐵龍蓮寺站開了來這邊又更方便！

＝＝＝＝＝＝＝＝＝＝＝＝＝＝＝＝以下為早前介紹＝＝＝＝＝＝＝＝＝＝＝＝＝＝＝＝＝＝＝

Nana Coffee Roasters 本來就受到不少泰國網紅推薦，咖啡相當好飲，裝修也十分適合打卡影相。現在另一間叫 Wallflowers Cafe 加入經營，變成咖啡、餐廳、酒吧三合一，食的是 fusion 菜，裝修設計猶如一間爛屋，充滿破舊味，既有 vintage 感，也有車房爛屋 feel。

天台不是開揚景，但裝修佈置十分適合打卡呃 like，真係點影都靚。magic hour 點一杯咖啡或者 cocktail，同朋友傾下計個 feel 好舒服好 hea 的！

在地址上，咖啡店、花藝店和餐廳屬同一地址，ground floor 一層是花藝店 Oneday Wallflowers，開朝早10點至晚8點，樓上是 Wallflowers Cafe 咖啡店，開11至7，再上是餐廳酒吧，開晚上6點至深夜，於是走一次就滿足到不同願望，喜歡打卡影靚相的朋友不能錯過這間小店！