曼谷最新! 湄南河畔超級綜合商場 ICONSIAM 即將開幕! - 泰友營 - Thailandfans.com 全港 No.1泰國旅遊網站 | 泰國自由行 | Thailand Travel Guide
瀏覽人數 : 39,517,279

今年泰國新事物一浪接一浪,數最新最具話題的,相信就是曼谷湄南河畔上的巨型超級商城 ICONSIAM,即將於11月9日正式開幕。全泰第一間高島屋百貨、全泰第一間 Apple Store、全曼谷最高建築物都將會座落於此!即刻同大家搶先睇下 ICONSIAM 的賣點,待開幕日期前後再送上第一手報導!

如果你以為這個又係一個商場而已,咁就太睇小 ICONSIAM 了!其超級之處已經不只是商場+酒店咁簡單,更有全曼谷最高的70層住宅、超過400米的東南亞最長噴泉、東方威尼斯室內水上市場、河濱公園長廊、國家級文物博物館、電影城、展覽館、藝術館、遊樂園等等!官方宣稱 ICONSIAM 將會打造成曼谷七大奇觀(Seven Wonders)!

即係有幾大呀?足足有750,000平方米!即係3.9個維園咁大!

當然啦,ICONSIAM 亦都不是大而已。據官方提供資料,大部分品牌在此開設的都是旗艦店,即是代表售賣商品都係款式最新和最齊全。佔7層的日本百貨高島屋亦將進駐,到時會有500個品牌,其中180個來自日本,真係三山五嶽雲集,兵家開大片!最高興的自然係遊客消費者,因為可以預計到時各商戶都會推出眾多優惠吸引顧客!

飲食方面,餐飲地帶將有5,000平方米,並由國際知名設計公司 PIA Intera 和 L’Observatoire 設計,務求打造舒適又有型的餐飲體驗。據稱設計以水為主題,與旁邊的昭拍耶河可完美結合,更加突顯曼谷作為東南亞都會的獨特魅力!

至於遊客住宿,文華東方旗下的東南亞第一間度假式酒店 The Residences At Mandarin Oriental Bangkok 亦將座落於此。高52層,據稱每間房間的樓底最低限度都有3.2米,空間感滿足;並將會以金、銀、粉紅金色作為設計顏色,真係令人非常期待出來的效果!另外也有全曼谷最高的豪宅 Magnolias Waterfront Residences,樓高70層,317米高(即係比中銀大廈矮少少而已!)

遊客要開眼界自然要感受下室內水上市場的厲害,號稱會打造成為東方威尼斯,聽落真吸引!到時在 Saphan Taksin 和 Krung Thon Buri BTS 都會有 shuttle bus 接送。據稱日後 BTS 新的金色線都會有直達 ICONSIAM 的站開通。

這個超級綜合商場的發展商分別係擁有 Siam Paragon 的集團 Siam Piwat、高級住宅發展商 Magnolia Quality Development Corporation、以及泰國 CP 正大集團。三強聯手,耗資天價,目的都係為了泰國旅遊業,令泰國成為更受歡迎的旅遊目的地!

ICONSIAM 的位置就在現時半島酒店Millennium Hilton 酒店的中間,對岸就是文華東方和 River City。

目前睇落就好厲害,不過都要等到正式開幕時才見真章!記得留意住泰友營網站同 facebook 的報導!

相片






贊助廣告