泰國曼谷又有新商場，講緊就係翟道翟 weekend market 旁邊的 Mixt Chatuchak，係一個有冷氣的室內商場，大家可以在大熱天時都行得舒舒服服；商場內也有餐飲 food court，天天開放，終於唔洗等到周末都可以行 JJ Market 了！

UG 地庫主要是餐廳，另外場中間也有條類似 Food Court 的美食街，售賣街頭小食、水果等等，種類都多。另一邊也有衣服、飾物等。

到 G 地面就賣衫為主，亦有以前在 Section 7 的檔口搬了來這裡，賣 Print Tee。

再上層就有床上用品、藤籃等，亦都有兩個運動品牌的 outlet，款式不新但價錢相宜。

採訪期間也勾起不少舊日回憶，皆因有些商店以前在 weekend market 都有檔口，今時今日就搬了入來 Mixt Chatuchak 又或者係開了分店，一間變兩間。

而另外有些商品我廿年前來泰國嘅時間已經有得賣，今日在商場之內依然見到！到底係唔係真係紅足二十年呢？

商場之內有不少是泰國本地自家設計的 t-shirt、袋、銀包等，也有二手日本時裝，女裝，又或者係整指甲的店舖。

不少朋友都買過的月份生日杯這裡都有得賣！另一處則有平通街的泰式按摩店，一小時只係200銖，買到攰來按一按也是好！

三樓還未全開，有家庭用品、燈飾、假花假植物等，也有賣魚店，是真的魚！

這一層也有另一個 food court，有冷氣，環境舒服，價值貼地，Pad Thai 35銖真係超平！

再提多次，Mixt Chatuchak 係一星期開七日，朝10晚10，由 BTS Mo Chit 站1號出口出來行一陣就到；又或者坐地鐵去到 Chatuchak Park 站一樣去到。

Chatuchak Weekend Market 維持不變只開星期六和星期日，大家不要去錯地方喇！