正當香港電影院越來越細,數目越來越少的時候,泰國的電影院就越開越多越來越靚,最新的就是在 ICONSIAM 商場6樓的親子電影院,即是一家大小都可以來。
話說在 ICONSIAM 商場之上,6樓有個超大的影城,分了兩三層,裡面有多間影院,其中包括專門給小朋友和家長一齊睇戲的影院。
入場之前後都有遊戲可以給小朋友玩,有玩具、有積木等等,兼且職員會穿上卡通人物造型衣服陪小朋友玩,十足去了主題樂園一樣!
另外一個地帶更有圖書繪本等等給小朋友看,入場去影院之際,大人固然可以行正常通道,而小朋友更可以由旁邊一條滑梯 sir 入去波波池,相當好玩。
影院內的座位色彩繽紛,整個感覺十分適合小朋友,是個親子好地方。
當然有人會問,咁咪唔可以專心睇戲?小朋友係度玩好嘈喎!所以大家要對號入座,懂事的、可坐定定的安靜睇戲的朋友們就選其他一般戲院。如果純粹消磨時間,想有個地方給小朋友玩,自己又唔介意也不妨一試。
只要是5-12歲的小朋友都歡迎,成人必須陪同入場,入去也要除鞋。最便宜的座位類別220銖。更貼心的是影院有提供座墊,唔夠高的小朋友可以墊高坐。
泰國電影講泰文有英文字幕,西片國語片原裝聲帶配泰文字幕,所以也不必擔心在泰國睇戲睇唔明。