曼谷絕對地道草根的蟹肉炒蛋 - Nong Rim Khlong - 泰友營 - Thailandfans.com 全港 No.1泰國旅遊網站 | 泰國自由行 | Thailand Travel Guide
瀏覽人數 : 41,551,284

去年曼谷米芝蓮獎項之中,其中一個得獎者就係姐輝,多年前我們也曾經介紹過,佢最拿手的美食之一就係用超多蟹肉來炒蛋。其實除了姐輝之外,還有一檔地道草根的同類型餐廳,但環境可能就不是人人都接受得到。

話說在 Ekkamai 和 Thong Lor 之間有一小巷,巷內有條污水渠的旁邊正正有間大牌檔,雖則並不起眼,但係就有好多泰國人光顧,基本上無訂位根本無得食。有本地人不介意等位,也有人不想等而叫外賣,所以每日生意都超好。

而最主打的食物就係用份量超多的蟹肉來炒蛋,做成不同的菜式,包括飯麵等等。味道好之餘價錢亦相宜,食客有不少是泰國人,有的坐下來吃,有的等唔到位就買外賣帶走,如果大家追求地道草根都可以去睇睇。

但都要提提大家,環境和衛生方面可能不是太理想,只不過都是那句,百貨賣百客,有時介紹高級酒店或餐廳,有網友覺得不是味道,一定要超地道草根的才是正。如果你是支持地道草根的,都可以一試。但如果你覺得環境不好,地方有點兒那個的話,就睇左當食左算了。始終是事實的是,很多泰國人都慕名去光顧的!

攤檔的 facebook: https://www.facebook.com/nongrimkhlong/

相片






贊助廣告