最新! 每間房都有海景, 內有水上樂園合家歡酒店 - 芭堤雅 Grande Centre Point Pattaya - 泰友營 - Thailandfans.com 全港 No.1泰國旅遊網站 | 泰國自由行 | Thailand Travel Guide
瀏覽人數 : 40,200,340

Grande Centre Point 集團旗下酒店首次衝出曼谷,第一次在曼谷以外省府開設旗艦酒店,芭堤雅的 GCP 預計會於10月中旬連同大型商場 Terminal 21 一起正式開幕,現時網上已經可預訂,日前我率先入住,即刻同大家睇睇有幾正!

最矚目的當然是酒店附設的水上樂園啦,只要是入住的客人都可以免費入園玩。設在酒店的 Floor F,整個樓層有三個泳池,首先就是玩樂池,有一個計時倒水的設施,大約8-10分鐘左右就會有一大桶水傾倒而下,小朋友一定超興奮。再來往前行又由幾台水炮槍,大家可以操控射出的水柱,一樣是大人小朋友都會相當開心!之後有兩條滑水梯,雖然沒有 Cartoon Network 或者 Ramayana 那些咁長咁高,但是在酒店之內有這種滑水梯都係一個創舉。

整個水上樂園不算太大,但是設施的設計都很有心思,有些看似機械獸的物體,銅人,小朋友見到都會覺得十分有趣!

再向前行就由另一個池,旁邊有 pool side bar;最出面就是成人池,池邊望出去就是海景和芭堤雅靚景。最貼心的係,三個泳池水深都很淺,成人池大約1.2米,小童池不足0.5米,家長可以相對放心,到時候亦會有救生員當值。這個樓層另一邊有花園地帶,也有一些隱密的座椅,情侶夫妻們可以安靜談心。而另一邊更有一條玻璃天橋,腳下就是透明玻璃,直看到地面,相當刺激!

同一層還有 kids club,裡面同樣是海洋主題,有架仿木製船非常可愛。所以家長同小朋友來分分鐘可以玩到成個下晝。室內就是餐廳,不玩水的朋友也可以叫杯咖啡睇下風景。

來到大家最關心的房間。當日我住的是 Panoramic Suite Seaview,有露台有落地大玻璃窗,最正的是浴室的大浴缸,旁邊就是靚海景,在此浸浴係非常 relax 的!浴缸旁邊係沖涼間,馬桶都是日式設計馬桶。浴室外有個 walk in closet,再出面就是梳化、床、小客廳空間,有雪櫃微波爐等。最特別的是天花板一樣有暗燈,如果夜晚熄了大燈,只開天花燈,就會好似夜空滿天星一樣,非常浪漫。

而這間房也算是 connecting room,隔離房就是細房 Superior,一樣有露台有貴妃椅等等。最重要的是,這酒店300多間房不論價錢全部都有海景,都有露台,分別就係你住高樓層海景就多點闊點。

而房間主要都是海洋藍色為主,整個感覺都相當舒服。酒店每一樓層都設有自動販賣機和製冰機,大家半夜肚餓都可以買零食買汽水,這方面的確係十分貼心。

而32樓是食早餐和酒吧的地方,有室內亦有室外座位。室外地方風景就更勝一籌,既可攞早餐出來食,也可以出去散散步,皆因外面有 U形步道 sky bridge,而且有一鑽石型似的建築,內裡其實是走火通道而已,但是從外面睇就相當靚相當夢幻,最適合影相打卡。尤其是黃昏 magic hour 上來,叫兩杯 cocktail 同親友傾計影相,望下無敵海景,真係舒暢!而且這個天台酒吧沒有 dress code,你在樓下玩完水穿拖鞋上來都無問題。

如果你玩到累腰酸背痛,酒店有 Let’s Relax Spa & Massage,無錯就是曼谷那間 Let’s Relax,兼且他們也提供小朋友的 massage,專為兒童而設計,一於一家人去做親子 spa!

酒店預計在10月中旬正式開幕,樓下就是 Terminal 21 商場,外面還有兩架真的飛機,兼且地下都是仿照機場跑道來製作,有亮燈有指示等,非常迫真,相信之後亦是一個熱門打卡位!日後這裡既有購物體驗,亦有美食、超市、電影院,將會成為芭堤雅的新地標!

座標:12.9502347,100.8872377

>> Agoda 訂房優惠,按此立即訂

>> Booking.com 預訂優惠,按此立即訂

永安旅遊酒店預訂優惠碼 GH786,APP/WEB 消費滿$1500(不包稅)即減$100!**T&C apply 有效期至2018年12月31日;立即預訂 Grande Centre Point Pattaya:https://hotels.wingontravel.com/detail?CityID=622&HotelID=23095320

相片






贊助廣告