要去水上樂園不一定要走到芭堤雅，在曼谷市區也有。Siam Park 固然係一個選擇，但如果想再方便一點，在商場頂樓玩水上滑梯又如何？

話說在曼谷的 The Mall 商場之上，就有這個 Fantasia Lagoon 的水上樂園。地點有兩個，一個在 The Mall Bangkapi，採訪當日就去了另一個在 The Mall Bangkae 的。

亦都經常有網友問：如果我住賓館又或者 Airbnb，想去游下水但又唔想走到芭堤雅咁遠，有什麼選擇？這個 Fantasia Lagoon 就係答案。皆因裡面亦都有一個的游泳池，所以你想玩水又得，想練水都得！

另一個賣點就是入場費小朋友只要80銖，你只需要付一次錢，就可以同一日內進出樂園無需另外再買。也就是說，玩玩下水肚餓，想落樓下商場行街食飯，食完再上去玩水都無問題。

水上樂園位於商場頂樓，居高臨下，和以往去平地上芭堤雅或者布吉的水上樂園感覺又不一樣。當然規模就比較小，但一樣五臟俱全，非常之受本地人歡迎。採訪當天見到十分多小朋友都玩得很開心！

冬蔭妹當日就試了個高高在上的滑梯，旁邊望出去就是車水馬龍的街道，認真嚇到個心離一離！轉了幾個圈落到泳池，佢就話感覺良好，實情驚到腳震震！

其他設施也比較小規模，但設計一點都不馬虎，旁邊也有座椅和遮陽的地方給人客攤抖，也有飲食中心，可以邊食邊曬太陽。下次不妨一家大小去玩，媽媽同阿女係樓下商場行街，老竇同阿哥就上水上樂園玩，之後輪住玩都得，咁就 perfect plan 啦！

要注意的就是要穿著正常泳衣泳褲，以及必須要戴泳帽，沒有的話可以在現場買。Locker 是有的，毛巾就要自備。至於眼睛想吃冰淇淋的朋友們就最好都係去返芭堤雅的水上樂園，皆因這裡的女士們都著得以方便游水為主。

地點剛好都沒有 BTS 去到，不過也未至於太遠，BTS Bang Wa 站搭的士去差不多20分鐘，算是又一個親子遊的好選擇。