位於曼谷 BTS Victory Monument 附近的 King Power 免稅店之前我也介紹過，早前重新裝修後又去了一次，果然是耳目一新，裡面多了一個地道草根的飲食地帶，而且泰友營粉絲仲有獨家優惠！

話說遊客們要來這裡，第一件事就是記得帶上護照。入到大堂去 reception 登記，同櫃台人員講出暗號：「Roger Thailand」就可以得到一個 Sawasdee Package 的優惠劵信封。無論是想住隔離的酒店，又或者在這個商場買東西吃好西都有 discount 優惠！你唔係唔去攞呀話？

好了又有人說免稅店的東西香港人未必鍾意，但飲飲食食又如何呢？現在新開在三樓有一個飲食專區，以前的平價自助餐已經沒有了，卻又多了很多特色的泰國餐廳。

價錢有平有貴，如果要食地道草根這裡都有！Pad Thai 就人人都鍾意，以前有一間 Thipsamai 非常出名，以前要搭的士去路程遙遠，現在來 King Power 的分店就食得到！是的，這個類似 food court 的地帶引入了許多有名的地道草根餐廳，唐人街蠔餅、豬手飯、粿雜，現在不用坐在路邊日曬雨淋，可以舒舒服服涼住冷氣嘆。

就好似蔡欽利鹵鵝，我以前成日都去食，現在要食就更加方便！又例如大城府燒河蝦，現在都唔洗專程包車，長途跋涉來來回回先食到。至於價錢會否因為入了商場就貴左呢？老實說總比你包車去食便宜吧！

豐儉由人，任君選擇，下次來到附近就上來醫肚啦！